Бул маалыматты Ош облустук сотунун төрагасы Эрлан Асанов 27-февралда Жогорку соттун төрагасы Медербек Сатыевдин катышуусунда өткөн жыйында билдирди.
Асанов жалпы иштин санынын ичинен 42 422 иш каралганын белгилеп, бул 2024-жылга салыштырганда маанилүү өсүш экенин айтты, анткени ошол жылы сотторго 39 734 иш келип түшкөн. Демек, быйыл иштин саны 6 136га өстү.
Медербек Сатыев сот адилеттүүлүгүнүн натыйжалуулугу судьялардын кесиптик көндүмдөрүнө, жоопкерчилигине жана мыйзамдарды туруктуу колдонуу жөндөмүнө түздөн-түз байланыштуу экенин баса белгиледи.
Жыйында ошондой эле шаардык жана райондук соттор тарабынан ар кандай мекемелерде жана ишканаларда мыйзам бузууларды жоюу үчүн 86 жеке чечим чыгарылганы тууралуу маалымат айтылды.
Мындан тышкары, жыйналышка катышуучуларга сот системасын санариптештирүү жана сот отурумдарын түз эфир форматында өткөрүү боюнча пландарды иштеп чыгуу тапшырылды. Иш-чаранын аягында жогорку натыйжаларга жетишкен судьялар белгиленди жана алардын мыкты тажрыйбасын башка сот инстанцияларына жайылтуунун зарылдыгы тууралуу маселе көтөрүлдү.
