Иш-чарада борбордун мэри Айбек Джунушалиев, Жогорку Кеңештин депутаттары, жергиликтүү бийлик өкүлдөрү жана райондун тургундары катышты.
Министр жыйынга катышкандарга кайрылып, билим берүү инфраструктурасын мамлекеттик саясаттын негизги багыттарынын бири катары өнүктүрүүнүн маанилүүлүгүн белгиледи. Ал жаңы мектеп «Ак-Бата» районунда балдарды окутуу үчүн ыңгайлуу шарттарды түзөөрүн айтып, билим берүү мекемелеринин жетишсиздигин азайтуу жана аларды заманбап шарттар менен камсыз кылуу боюнча иштер улантылаарын кошумчалады.
Проект боюнча, жаңы мектептин жалпы аянты 5,3 миң чарчы метрди түзөт, ал эми жер тилкеси 1,08 гектарды ээлейт. Окуу мекемеси 650 окуучуну кабыл алат, 1,3 миң орунга чейин кеңейтүү мүмкүнчүлүгү менен, үч блоктон турат. Имарат эки кабаттуу болуп пландаштырылган, окуу процессине заманбап шарттар менен жабдылат.
Региондун сейсмологиялык шарттарына өзгөчө көңүл бурулду: мектептин конструкциясы 9 баллдан жогору жер титирөөлөргө туруштук берүү үчүн күчөтүлөт. Ошондой эле, кыйын жердин мүнөздөмөлөрүн эске алып, котлован 8,8 метр тереңдикке чейин казылат, ал эми фундамент атайын технология боюнча бекемделет.
Курулуш иштерин курулуш министрлиги көзөмөлдөп, подрядчы катары ОсОО «ГрадСтройРесурс» компаниясы чыгууда.
