Turmush маалымат агенттигинин кабарчысы менен болгон маегинде ал 1989-жылдын 11-майында Каракол шаарында төрөлгөнүн айтты. Ал үй-бүлөдөгү үч баланын улуусу. Мектепти аяктагандан кийин Иссык-Куль мамлекеттик университетинин «Математика жана инновациялык технологиялар» факультетинде жогорку билим алып, математика жана информатика мугалими адистигин алган. Учурда ал М. Мамакеев атындагы мектепте 13 жылдан бери жаш муунду окутуп келет.
Бул эл аралык конкурс жыл сайын өткөрүлүп, билим берүү тармагында мыкты жыйынтыктарга жетишкен мугалимдерди аныктоого багытталган. Бул жолу конкурстун акыркы этабы 24-мартта Астана шаарында өтүп, катышуучулар өзүнүн кесиптик жетишкендиктери, методикалык иштеп чыгуулары жана билим берүүдөгы инновациялык ыкмаларын сунушташты.
Ошондой эле Н. Касымалиевдин билим берүү процессине заманбап технологияларды интеграциялоодогу аракеттери жана окуучулардын билим сапатын жогорулатууга кошкон салымы өзгөчө белгиленди.
Конкурстун жыйынтыгы боюнча ал I даражадагы диплом, эмблема, «Эң мыкты мугалим — ТМД» статуэткасы жана жетекчилик үчүн ыраазычылык кат менен сыйланды.
«Конкурстун биринчи туру 7-февралда башталды, ал эми жыйынтыгы 12-февралда чыгарылды, мен ийгиликтүү түрдө экинчи туруна өттүм. Конкурстун бардыгы жөнүндө социалдык тармактардагы каналдардын биринен билдим жана өзүм катышууга чечим кабыл алдым. Финалдык этап 24-мартта Астанада өтүп, анын жыйынтыгы боюнча жогорку баа алдым. Бул ийгилик менин эмгегимдин гана эмес, мектебибиздин жана бүт билим берүү системасынын натыйжасы», - дейт Н. Касымалиев.
Н. Касымалиев буга чейин жергиликтүү бийликтен жана райондук билим берүү бөлүмүнөн бир нече сыйлыктарга жана ыраазычылык грамоталарына ээ болгон.
Объектилер
Спутник
⛶
