Социалдык тармактарда жайгаштырылган билдирүүсүндө дипломат элчиликтин Сауд Аравиясында убактылуу жашаган студенттер, зыяратчылар жана кыргызстандыктар менен туруктуу байланышта экенин баса белгиледи.
Марипов муфтияттын, Улуттук дин иштери агенттигинин жана кыргыз коомчулугунун колдоосу менен оперативдүү штабдык топтор түзүлгөнүн кошумчалады. Бул топтор зыяратчыларга жардам көрсөтүү жана алардын коопсуздугун камсыздоо үчүн уюштурулган.
Мындан тышкары, элчи төмөнкү кырдаалдар тууралуу билдирди:
- Сауд Аравиясындагы аэропорттор салыштырмалуу туруктуу режимде иштеп жатат;
- ички авиарейстер үзгүлтүксүз жүргүзүлүүдө;
- айрым эл аралык авиакомпаниялар рейстердин санын кыскартышты, бирок Саудия авиакомпанияларынын учуулары белгиленген график боюнча уланууда;
- жашаган Бахрейнде болгон жарандар менен туруктуу байланыш сакталууда — 35 адам жардам сурап кайрылды.
«Биз кырдаалды дээрлик реалдуу убакыт режиминде көзөмөлдөп жатабыз. Эгер кырдаал өзгөрсө жана коркунучтар пайда болсо, биз дароо жарандарымызды маалымдайбыз жана зарыл чараларды көрөбүз. Жараткан баарына тынчтык берсин, согуш болбосун», — деди элчи.
