Жолугушуу 2026-жылдын башынан президент Садыр Жапаровдун тапшырмасы менен ишке ашырылган негизсиз текшерүүлөрдү токтотууга багытталган жаңы саясаттын алкагында өттү.
Шабданбеков бизнесдин туруктуу иштеши өлкөнүн экономикалык өсүшү, жумушчу орундарды түзүү жана салык базасын калыптандыруу үчүн абдан маанилүү экенин баса белгиледи. Ал мындай жолугушуулар ишкерлер менен мамлекеттик органдар ортосунда ачык диалог үчүн платформа болушу керек экенин айтты.
«Жакшы иштеген ишкерлер эркин иштөө мүмкүнчүлүгүнө ээ болушу керек. Коопсуздук органдарынын негизги милдети тоскоолдуктарды жаратуу эмес, экономиканы колдоо. Биз сиздин ишиңизге негизсиз кийлигишүүнү пландаштырбайбыз. Эгер сизге кысым көрсөтүлсө, биз сизди коргоого даярбыз. Бир гана шарт — бул адилеттүү жана ачык иштөө», — деп кошумчалады ал.
Бизнестин өкүлдөрү да өз сунуштарын билдиришип, текшерүүлөрдүн ачыктыгы жана мыйзамдык өзгөрүүлөр жөнүндө активдүү маалымат берүү зарылдыгына көңүл бурушту.
УКМКнын башчысы бардык мыйзамсыз аракеттер же административдик тоскоолдуктар боюнча фактылар мыйзамга ылайык катуу каралаарын билдирди. Ошол эле учурда, мыйзамсыз схемаларга тартылган ишкерлер өз аракеттери үчүн жоопкерчиликке тартыларын эскертти.
