Жыйында катышуучулар Россиядагы эмгек мигранттарына көрсөтүлүп жаткан учурдагы колдоо чаралары жана медициналык жардам алуу үчүн медициналык полистерди берүү процессин жөнүндө суроолорду беришти.
Мукановдун айтымында, ЕАЭБдин беш өлкөсүнүн ортосунда эмгек мигранттарына байланыштуу келишим бар.
«Бирок, учурда орус тарап аталган келишимдин 96-97-беренелерин бузуп, эмгек мигранттарынын үй-бүлө мүчөлөрүнө мажбурлуу медициналык камсыздандырууну берүүдөн баш тартып жатат. Кыргызстан ЕАЭБдин сотуна доо арыз берди, биз эки жума ичинде чечим күтүп жатабыз. Бул маселе Россиянын вице-премьер-министри Алексей Оверчуктун Кыргызстанга болгон сапары учурунда да көтөрүлгөн», — деп кошумчалады ал.
