Кыргызстанда онкологиялык оорулардын эрте аныкталышынын мааниси баса белгиленет. Бул тууралуу «Элден собол» программасында, «Кабар» агенттиги уюштурган, Улуттук онкология жана гематология борборунун директору Нурбек Букуев айтып берди.
Ал жалпы пациенттердин саны мурдагы деңгээлде калганын белгиледи.
«Статистика боюнча, 2008-жылы өлкөнүн калкы 5 миллион адамды түзсө, бүгүнкү күндө 7 миллионду ашып кетти. Калктын санынын өсүшүнө байланыштуу оорулуулардын саны да өсүүдө. Бул көрүнүш Кыргызстанга гана эмес, башка өлкөлөргө да мүнөздүү, ал онкологиядан тышкары башка ооруларды да камтыйт», — деп түшүндүрдү ал.
Букуев «Онкологиялык борбор иштебейт» деген ушактарды да четке какты.
«Статистика комитетинин маалыматы боюнча, биз оорулардын санынын өсүшүн байкабайбыз. Көрсөтүүлөр өткөн жылдар менен салыштырганда туруктуу. Өзгөрүүлөр диагноз коюу жана ооруларды аныктоо ыкмаларына гана байланыштуу. Натыйжада, оорулар эрте стадияларда аныктала баштады, бул болсо оорулуулардын санынын өсүшү тууралуу иллюзияны жаратууда. Учурда биздин борбор оорулардын эрте аныкталышына басым жасап жатат, бул биздин негизги максатыбыз», — деп кошумчалады ал.
