Учурда оорухана жогору жүктөм шартында иштеп жатат. Проекттик кубаттуулугу 160 орун болсо да, анда 268 бейтап дарыланууда, алардын көбү суук тийүү жана грипп оорусунан жабыркаган. Оорукананын штатында 52 дарыгер иштейт, бирок толук кандуу иштөө үчүн 13 адис, негизинен педиатрлар жетишпейт.
Текебаев ошондой эле дарыланып жаткан балдардын энелери менен сүйлөшүп, алардын учурдагы шарттар жана көйгөйлөр боюнча пикирлерин укту.
Жолугушуу учурунда ыйгарым укуктуу өкүл медициналык кызматкерлерге кыйын шарттарда көрсөткөн эмгектери үчүн ыраазычылык билдирди. Ал оорукананын инфраструктурасын жакшыртуунун жана вентиляция системасындагы кемчиликтерди жоюунун маанилүүлүгүн белгилеп, тиешелүү көрсөтмөлөрдү берди. Мындан тышкары, ал грипптин алдын алуу үчүн калк менен түшүндүрүү иштерин активдештирүүнүн зарылдыгын белгиледи.
