Документ 2023-жылдын 22-январында Жогорку Кеңеш тарабынан бекитилген.
Өзгөртүүлөргө ылайык, негизги максат бюджеттик каражаттарды белгилүү товарларды, иштерди жана кызматтарды сатып алууда натыйжалуу пайдаланууну жогорулатуу болуп саналат.
Эми мамлекеттик деңгээлде өткөрүлгөн эл аралык иш-чараларды уюштурууга байланыштуу сатып алуулар мамлекеттик сатып алуулар мыйзамы менен жөнгө салынбайт. Бул президенттин, Жогорку Кеңештин спикеринин жана министрлер кабинетинин төрагасынын катышуусундагы иш-чараларга, ошондой эле чет өлкөлүк жетекчилердин жана делегациянын визиттерине тиешелүү.
Мындай сатып алуулар үчүн Кыргыз Республикасынын жарандык укугуна ылайык, заказчы менен аткаруучу ортосунда түзүлгөн жарандык-укуктук келишимдер колдонулат.Мындан тышкары, жаңы мыйзам "мамлекеттик тапшырма" түшүнүгүн киргизет. Ал республикалык жана жергиликтүү бюджеттерден каржыланган, экономикалык туруктуулукту жана маданий өнүгүүнү камсыз кылуу үчүн негизги милдеттерди аткарган мамлекеттик катышуусу бар юридикалык жактарга берилген заказдарды камтыйт.
Мамлекеттик тапшырма алкагында жүргүзүлгөн сатып алуулар да мамлекеттик сатып алуулар мыйзамына кирбейт жана заказчы менен аткаруучу ортосунда жарандык-укуктук келишимдер аркылуу жүргүзүлөт, талап кылынган көрсөткүчтөрдү көрсөтүү менен.
Мыйзам ошондой эле мамлекеттик заказчы жана аткаруучу үчүн бюджеттик каражаттарды максаттуу пайдалануу боюнча жоопкерчиликти белгилейт.
Бардык өзгөртүүлөр республикалык жана жергиликтүү бийлик органдарынын бюджеттеринен каржыланган белгилүү секторлордо сатып алуу процессин жакшыртууга багытталган.
Башкы беттеги сүрөт архивдик, КР президентинин басма сөз кызматы.
