Өзгөртүүлөргө ылайык, мамлекеттик дотациялык семеналарды жана колдоону алууну каалаган айыл чарба товар өндүрүүчүлөр үчүн зарыл болгон документтер такталды. Эми арыз райондук айыл чарба өнүктүрүү башкармалыгына байланыш маалыматтарын көрсөтүү менен берилет.
Арызды берүүдө жеке адамдар жана жеке ишкерлер үчүн жеке жакты тастыктаган документтердин жана ИННдин көчүрмөлөрүн, ал эми юридикалык жактар үчүн мамлекеттик каттоодон өткөндүгү тууралуу документтерди, уставды жана жетекчинин маалыматтарын, ошондой эле жер участоктун болушун тастыктаган документтерди тиркөө керек.
Эскерте кетүүчү нерсе, эгер документтер «Тундук» электрондук өз ара аракеттенүү системасы аркылуу алынса, анда аларды берүү арыз берүүчүдөн талап кылынбайт.
Мындан тышкары, арыздарды карап чыгуу үчүн так мөөнөттөр белгиленди: райондук башкармалык эки жумушчу күндүн ичинде документтерди райондук комиссияга өткөрүп бериши керек, ал эми комиссия арыз берилген күндөн тартып беш жумушчу күндүн ичинде дотациялык семеналарды алгандардын тизмесине киргизүү боюнча чечим кабыл алууга милдеттүү.
12, 18 жана 28-пункттар тартиптен алынып салынды, ошондой эле приоритеттүү айыл чарба өсүмдүктөрүн өндүрүү жана сатуу менен алектенген семеноводстволорго болгон талаптар такталды. Алар семеналардын сапатын жана көлөмүн, ошондой эле салык, камсыздандыруу төлөмдөрү жана бюджеттик кредиттер боюнча карыздардын жоктугун тастыктоосу керек. Берилген маалыматтардын тактыгына жоопкерчилик чарбаларга жүктөлөт.
Райондук комиссиянын чечимине ылайык, семеноводстводон турган чарба менен семеналарды сертификаттоо жана сортторду каттоо боюнча ыйгарым укуктуу орган арасында мамлекеттик дотация берүү боюнча келишим түзүлөт. Зарыл болгон документтер алынгандан кийин үч жумушчу күндүн ичинде ыйгарым укуктуу мамлекеттик орган дотацияны берүү боюнча чечим кабыл алат.
Жаңы эрежелер 15 күндөн кийин күчүнө кирет.
