Анын айтымында, бул тармак 2030-жылга чейин өлкөнүн стратегиялык өнүгүүсүнүн приоритеттүү багыттарынын бири болуп эсептелет.
Анын маалыматы боюнча, 2024-жылы айыл чарба тармагынын валдык ички продукциясы 396,8 млрд сомду түздү, ал эми 2025-жылдын аягына чейин 459,7 млрд сомго жетет. Демек, бир жылда 63 млрд сомго жакын өсүш байкалууда.
Акунбеков калктын негизги азык-түлүк менен толук камсыздалганын, анын ичинде сүт, картошка, жашылча, эт, жумуртка жана кант бар экенин белгиледи. Бирок өсүмдүк майы жана жемиштерге болгон муктаждык импорт аркылуу канааттандырылат.
Министр акыркы жылдары бул тармакка мамлекеттик колдоо көрсөтүүгө чоң көңүл бурулууда экенин баса белгиледи.
Ал ошондой эле эффективдүү жеңилдетилген кредит берүү системасы киргизилгенин жана максаттуу долбоорлор ишке ашырылып жатканын кошумчалады. 2024-жылы кредит берүү көлөмү 11,9 млрд сомду, ал эми 2025-жылы 12,6 млрд сомду түздү.
