«Учурда бул орган өз ишин токтотту. ОсОО «Риха» продукциясынын кийинки лабораториялык сыноолорунда аккредиттелген лабораториялар тарабынан берилген үлгүлөрдө чочконун ДНКсы табылган жок», - деп билдирет борбор.
ОсОО «Риха» өкүлдөрү бүгүнкү күндө компаниянын ыйгарым укуктуу сертификаттоо органдары тарабынан берилген актуалдуу халал-сертификаттары бар экенин билдиришет.
Компаниянын кызматкерлеринин айтымында, бардык өндүрүш процесстери халал стандарттарына жооп берет жана пландалган текшерүүлөр белгиленген нормаларга ылайык жүргүзүлөт.
Борбор учурда халал-индустриядагы сертификаттоо ыкмаларын кайра карап чыгуу жүрүп жатканын түшүндүрүштү. Бул иштердин алкагында жалган ишкерликке каршы күрөшүү жана халал-сертификациядагы алдамчылыктан коргоо боюнча укук бузуулар кодексине өзгөртүүлөр киргизилет.
Ошондой эле халал-сертификаттарды санариптештирүү боюнча иштер жүргүзүлүүдө, Кыргыз Республикасынын тиешелүү мамлекеттик органдары бул ишти улантууну убада кылды, деп белгиледи халал-индустрияны өнүктүрүү борбору.
2024-жылы Кыргыз Республикасында «Халал-индустриясы жөнүндө» жаңы мыйзам кабыл алынды.
Бул мыйзамга ылайык, «Халал», «Мусулман», «Адал» ж.б. деп белгиленген продукция аккредиттелген орган тарабынан берилген сертификатка ээ болушу керек, деп айтылат билдирүүдө.
Учурда Кыргыз Республикасында ушул продукцияны сертификаттоо үчүн аккредиттелген жалгыз орган - Кыргыз Республикасынын экономика жана соода министрлигине караштуу стандартташтыруу жана метрология борборунун бөлүгү болгон Бишкек сертификаттоо, сыноо жана метрология борбору.
«Халал продукциясын өндүрүүчүлөргө эскертүү керек, рынокто айрым жеке аккредиттелбеген сертификаттоо органдары иштеп жатат. Алар тарабынан берилген сертификаттар юридикалык күчкө ээ эмес жана Кыргыз Республикасындагы «Халал-индустриясы жөнүндө» мыйзамга ылайык жараксыз», - деп комментарий берет халал-индустрияны өнүктүрүү борбору.
Ошондуктан, ведомство аккредиттелген сертификаттоо органдарына гана кайрылууну сунуштайт.
Маселени түшүндүрүү:
2026-жылдын 19-январында ЖКнын финансылык, бюджеттик, ишкердик жана атаандаштыкты өнүктүрүү боюнча комитетинин жыйынында экономика жана соода министринин орун басары Султан Ахматов «Риха» компаниясынын халал талаптарына ылайык келерин билдирген продукциясында чочко табылганын маалымдады.
Орун басар министр компания аккредитацияны туура өтпөгөнүн жана учурда анын тиешелүү лицензиясы алынып салынганын белгиледи.
Маалымат:
Кыргыз Республикасынын Юстиция министрлигинин маалыматына ылайык, ОсОО «Риха» 1996-жылы катталган. Компанияны башкарган Бажанов Нурдин Рахманкулович, ал эми негиздөөчүлөрдүн арасында:
Бажанов Ержан Аманкулович
Бажанов Дильшат Рахманкулович
Ажибекова Айгуль Омурзаковна
Бажанова Марина Рахманкуловна
Бажанов Нурдин Рахманкулович
