Бул чечим билим берүү тармагындагы аткаруу бийлигин реформалоо менен байланышкан уюштуруу чараларынын алкагында кабыл алынды.
Жаңы токтомго ылайык, 13 мекеме жана бөлүм кайра аталышка ээ болду:
1) Билим берүү жана илим министрлигинин алдындагы билим берүүнүн сапатын өнүктүрүү департаменти эми Билим берүү министрлигинин алдындагы билим берүүнүн сапатын өнүктүрүү департаменти деп аталат;
2) Тастыктоо жана валидация боюнча көз карандысыз борбор Билим берүү министрлигинин алдындагы тастыктоо жана валидация боюнча көз карандысыз борбор деп аталат;
3) Психологиялык-медициналык-педагогикалык консультация Билим берүү министрлигинин алдындагы психологиялык-медициналык-педагогикалык консультация болуп өзгөрөт;
4) «Кыргыз билим берүү академиясы» мекемеси «Билим берүү министрлигинин алдындагы Кыргыз билим берүү академиясы» деп аталат;
5) Республика боюнча педагогикалык кызматкерлердин квалификациясын жогорулатуу жана кайра даярдоо институту эми Билим берүү министрлигинин алдындагы Республика боюнча педагогикалык кызматкерлердин квалификациясын жогорулатуу жана кайра даярдоо институту деп аталат;
6) «Санат» дени сактык борбору да Билим берүү министрлигинин алдындагы «Санат» дени сактык борбору болуп өзгөрөт;
7) «Окуу китеби» басмаканасы Билим берүү министрлигинин алдындагы «Окуу китеби» басмаканасы деп аталат;
8) «Кут Билим» медиа борбору Билим берүү министрлигинин алдындагы «Кут Билим» медиа борбору болуп өзгөрөт;
9) Борборлоштурулган бухгалтерия Билим берүү министрлигинин алдындагы борборлоштурулган бухгалтерия деп аталат;
10) Республика боюнча илимий-методикалык борбор Билим берүү министрлигинин алдындагы Республика боюнча илимий-методикалык борбор деп аталат;
11) Физикалык тарбия, спорт жана маданият боюнча Республика методикалык борбору эми Билим берүү министрлигинин алдындагы физикалык тарбия, спорт жана маданият боюнча Республика методикалык борбору деп аталат;
12) «Барчын» санаторий-профилакторий Билим берүү министрлигинин алдындагы «Барчын» санаторий-профилакторий болуп өзгөрөт;
13) Республика боюнча балдар инженердик-техникалык академиясы «Алтын туйун» Улуттук балдар инженердик-техникалык академиясы «Алтын туйун» деп аталат.
Мындан тышкары, өзгөртүүлөр билим берүү жана маданият системасынын кызматкерлеринин эмгек акысына байланыштуу башка нормативдик актыларга да тийиштүү болду. Билим берүү министрлигине кайра аталыштагы мекемелер үчүн жаңы уставдарды иштеп чыгуу, ошондой эле алардын мамлекеттик кайра каттоосун жүргүзүү жана чечимдерди жаңы токтомго ылайык келтирүү тапшырылды.
Токтом ошондой эле 2023-жылдын 7-сентябрындагы «Цифрдык билим берүү борбору» мамлекеттик мекемеси боюнча мурдагы Кабминдин чечимин жокко чыгарат.
Бул токтом 2026-жылдын 6-февралында күчүнө кирет.
