Иш-чарага министрдин орун басарлары, караштуу уюмдардын жетекчилери жана донордук уюмдардын өкүлдөрү да катышты.
Министрликтин маалымат кызматынан алынган маалыматтарга караганда, жолугушууда 12 жылдык билим берүүнүн биринчи жарым жылдыгынын жыйынтыгы боюнча аралык мониторинг жана аналитикалык баа берүү маселеси көтөрүлдү. Бул билим берүү моделинин баштапкы этаптарында жетишкендиктерди баалоо үчүн анкета суроолорунун жана байкоолордун маалыматтарына негизделген комплексдүү анализ жүргүзүү пландалууда.
Министр аралык жана жыйынтыктык анализ реформанын биринчи жыйынтыктарынын объективдүү сүрөтүн түзүүгө, кабыл алынган чечимдердин натыйжалуулугун баалоого, ошондой эле көйгөйлүү аймактарды, жетишкендиктерди жана 12 жылдык билим берүүнүн келечектеги этаптарын тууралоого багыттарды аныктоого жардам берерин белгиледи.
Анализ учурунда мугалимдердин квалификациясын жогорулатууга, предметтик стандарттардын жана окуу программаларынын колдонулушун баалоого, ошондой эле электрондук билим берүү ресурстарынын жана санариптик платформалардын, анын ичинде Кыргызстандын билим берүү академиясынын, Республикалык квалификацияны жогорулатуу жана кайра даярдоо институтунун жана «Окуу китеби» порталдарынын натыйжалуулугун баалоого өзгөчө көңүл бурулат.
Мониторингдин алкагында мугалимдердин «Мугалим», «Күндөлүк» жана башка санариптик чечимдерди канчалык деңгээлде өздөштүргөндүгүн, ошондой эле бул системаларга киргизилген маалыматтардын тактыгын жана толуктугун анализдөө пландалууда, бул маалыматтар башкаруучулук чечимдерди кабыл алуу үчүн колдонулат.
Аралдык мониторинг Билим берүү министрлигинин Билим берүүнүн сапатын өнүктүрүү департаменти тарабынан жүргүзүлөт.
