Ал жыл сайын өлкөдө болжол менен 6 миң жаңы онкологиялык учур катталып жатканын, ал эми 35 миң бейтап диспансердик байкоодо экенин билдирди.
«Рак өлүмдүн себептери арасында экинчи орунду ээлейт. 40% учурлар 3- жана 4-стадияларда гана аныкталат, бул кеч диагностика экенин көрсөтүп турат. Мындан тышкары, ооругандардын 55% эмгекке жарамдуу куракта — 35тен 64 жашка чейин», — деп баса белгиледи депутат.
Баатырова ошондой эле эл аралык стандарттарга ылайык 7 миллион адамды тейлөө үчүн 20 линейный ылдамдаткыч керек экенин, ал эми Кыргызстанда болгону 3 аппарат бар экенин, алар тез-тез бузулуп жатканын айтты.
Мындан тышкары, парламентарий молекулярдык-генетикалык жана иммуногистохимиялык изилдөөлөр үчүн заманбап диагностикалык мүмкүнчүлүктөрдүн жоктугун белгиледи. Зарыл анализдер чет өлкөгө жиберилет, бул диагностика процессин жайлатат.
Гулнара Баатырова өлкөдө 80ден ашык маанилүү дары-дармектердин жетишсиздиги сезилип жатканын, ошондой эле паллиативдик жардам көрсөтүүдө, атап айтканда, наркотикалык анальгетиктердин жетишсиздиги боюнча көйгөйлөр бар экенин кошумчалады.
