Ал мыйзам бузуулар аныкталган учурда, ломбарддарга Кодекс боюнча жазык жоопкерчилиги чаралары колдонуларына түшүндүрмө берди. Эгерде мыйзамсыз аракеттер уланса, бул лицензиянын алынып салынуусуна алып келиши мүмкүн.
«Жаңы мыйзамдарга ылайык, ломбарддардын пайыздык ставкалары 30% дан ашпашы керек. Эгер алар жогору ставкаларды белгилеп же мыйзамды бузууну улантса, биз пландан тышкаркы текшерүүлөрдү баштайбыз. Мыйзам бузуулар аныкталган учурда айыппулдар салынат, ал эми мыйзамсыз ишмердүүлүктү уланткан учурда лицензиянын алынып салынуусуна чейин чаралар колдонулушу мүмкүн», — деп кошумчалады ал.
Регулятордун маалыматына ылайык, өткөн жылы 40 ломбард текшерилген жана аларга айыппулдар салынган, ошондой эле көрсөтмөлөр берилген. Эң чоң айыппул 310 миң сомду түзгөн.
Суйоркул Ашимжан уулу 2025-жылы 35 лицензия токтотулганын, жана көпчүлүк компаниялар аныкталган мыйзам бузууларды 30 күндүн ичинде жоюшканын белгиледи.
Эскерте кетсек, өткөн күнү ГКНБнын башчысы Камчыбек Ташиев бардык ломбарддарды толук текшерүүнү талап кылган. Анын айтымында, инспекциялар Салык кызматынын жана Улуттук банктын өкүлдөрү менен биргеликте жүргүзүлүшү керек.
