Депутат Гулнара Баатырова Кыргызстандык мигранттардын медициналык полистерди алуу жана Россиядагы медициналык кызмат көрсөтүү маселелерин чечүүнүн зарылдыгына көңүл бурду.
Медициналык камсыздандыруу фондунун жетекчиси Азамат Муканов, бул багытта иштер улантылып жатканын белгиледи.
Ал: "Кыргыз тарап сотко кайрылды, анткени россиялык тарап ЕАЭБдин келишимдеринде бекитилген шарттарды аткарбай жатат. Мажбурлап медициналык камсыздандыруу полистери Россияда иштегендердин үй-бүлө мүчөлөрүнө да берилүүсү керек. Бул келишимди беш өлкө кол койгон", - деп түшүндүрдү фонддун төрагасы.
Мындан тышкары, ал өткөн жумада сот жыйыны өткөнүн жана чечим эки жума ичинде кабыл алынарын маалымдады.
