Ал өз сөзүндө Италияда 2,8 миң кыргызстандык жашап жаткандыгы тууралуу расмий маалымат бар экенин белгиледи. Бирок, консулдук маалыматтарына ылайык, бул сан 5 миңге жетет. Консулдук каттоодо 1 552 жаран бар, алардын 500ү Италиядагы жогорку окуу жайларында билим алууда.
Башкы прокурордун орун басары учурда Кыргызстандын бир жаранына карата экстрадициялык чаралар да жүргүзүлүп жатканын кошумчалады. Жазык иштеринде өз ара юридикалык жардам көрсөтүү боюнча жаңы келишимдин кол коюлушу, анын пикири боюнча, Кыргызстан менен Италиянын укуктук кызматташтыгын жакшыртууга көмөктөшөт.
Кеңешүү натыйжасында депутаттар бул келишимдин долбоорун бир добуштан колдошту.
