Жолугушууда биргелешкен долбоорлор, жаңы технологияларды киргизүү жана мамлекеттик башкаруунун натыйжалуулугун жогорулатуу жана өлкөнүн экономикалык коопсуздугун бекемдөө максатында тажрыйба алмашуу маселелери талкууланды.
КР президентинин администрациясынын сүрөтү.
Филипп Амон президентке өлкөнүн экономикалык жана санариптик суверенитетин күчөтүүгө, экономиканын ачыктыгынан жана башкаруунун натыйжалуулугун жогорулатууга багытталган заманбап технологиялык чечимдер менен бөлүштү. Ал салык администрирлөөсүн оптимизациялоо жана көлеңкөлүү экономиканы азайтуу аркылуу бюджеттик кирешелерди көбөйтүү мүмкүнчүлүктөрүнө, ошондой эле товар жүгүртүүнү көзөмөлдөөнү күчөтүүгө көңүл бурду.
КР президентинин администрациясынын сүрөтү.
Компаниянын өкүлдөрү мындай технологияларды колдонуу экономикалык коопсуздукту кыйла бекемдөөгө, мыйзамсыз ишмердүүлүккө каршы күрөшүүгө жана мамлекеттик органдардын ишинин натыйжалуулугун жогорулатууга жардам берерин түшүндүрүштү.
Жолугушуунун аягында эки тарап кызматташтыкты улантууга жана биргелешкен долбоорлорду ишке ашырууга болгон каалоосун билдиришти.
КР президентинин администрациясынын сүрөтү.
Маалымат
SICPA SA — контрафактка жана салык төлөөдөн качууга каршы күрөшүүгө багытталган көзөмөл жана мониторинг технологияларын иштеп чыгууга адистешкен Швейцариянын алдыңкы компанияларынын бири. 1927-жылы негизделген, ал банкноттор үчүн коргоочу боёкторду жана товарларды белгилөө, аутентификациялоо жана көзөмөлдөө боюнча чечимдерди өндүрүү боюнча дүйнөлүк лидер болуп саналат.
