Бул токтомдун алкагында программалык бюджеттерди түзүү жана аткаруу, ошондой эле бюджеттик жана кичи программалардын натыйжалуулугун мониторингдөө жана баалоо боюнча негизги көрсөтмөлөр киргизилет. Мындан тышкары, бюджеттик процесс үчүн жаңыланган календарлык график жана программалык бюджетти даярдоого жооптуу мамлекеттик органдардын тизмеси бекитилди.
Жаңы токтомго ылайык, тиркемеде көрсөтүлгөн аткаруу бийлигинин органдары тарабынан жүргүзүлгөн чыгымдар эми программалык деп эсептелип, жаңы ыкмалар боюнча түзүлөт. Бул программалар боюнча мониторинг жана отчеттуулук үчүн бирдиктүү эрежелер колдонулат.
Каржы министрлигине программалык бюджеттерди түзүү, мониторингдөө жана баалоо үчүн инструменттерди учурдагы санариптик платформаларга интеграциялоону тапшырылды, бул мамлекеттик финансыларды башкарууда ачыктыкты жогорулатууга жардам берет.
