Алдамчылардын ыкмалары:
- Белгилүү бренддерди колдонуу.
Жаман ниеттүүлөр белгилүү компаниялардын, банктардын жана мамлекеттик мекемелердин аттары менен логотиптерине жамынып, өздөрүнүн аракеттеринин легитимдүүлүгү тууралуу жалган түшүнүк жаратышат.
- Жеңил киреше убада кылуу.
Алдамчылар ар түрдүү «проекттерге» инвестиция салуу үчүн пайдалуу шарттарды сунуштап, аз убакыттын ичинде жогорку киреше убада кылышат, муну атайын аракет кылбай эле.
- Ишеним жаратуу үчүн баштапкы төлөмдөр.
Биринчи суммаңызды киргизгенден кийин, сизге «киреше» катары акчаны кайтарып бериши мүмкүн. Унутпаңыз: бул акча — сиздин же башка курмандыктардын акчасы!
- Блокировка жана жок болуп кетүү.
Эгер сиз чоң сумма салууга чечим кабыл алсаңыз, алдамчылар дароо сизди блокировкалап, топтордон жок кылышат, акчасыз калтырышат.
Алдамчылыктан кантип коргонуу керек?
- Жылдам жана жогорку кирешеге убада кылганга ишенбеңиз.
Эгер сизге банктын ставкаларынан бир нече эсе жогору киреше сунушталса, бул, балким, алдамчылык.
- Лицензиянын бар экенине ишеничтүү болуңуз.
Инвестициялар Улуттук банктан же башка ыйгарым укуктуу органдардан тиешелүү уруксаттар болгондо гана жүргүзүлүшү керек.
- Мессенджерлердеги анонимдүүлүккө көңүл буруңуз.
Эгер байланыш мессенджер аркылуу гана жүрсө, ал эми компаниянын физикалык офиси жана дареги жок болсо, алардан алыс болууга аракет кылыңыз.
ИИМ жарандарды мындай учурлар тууралуу милицияга 102 кыска номерине билдирүүгө чакырат.
