Бул иш-чарага БУУ жана башка эл аралык структуралардагы Азербайжан, Казакстан, Кыргызстан, Түркия жана Өзбекстандын туруктуу өкүлдөрү, ошондой эле ОТГнын башкы катчысынын орун басары катышты.
Омуралиев уюмдун мүчөлөрүнүн ортосундагы өз ара аракеттешүүнү күчөтүү боюнча аракеттердин маанилүүлүгүн белгиледи. Ал Женевага болгон сапар жана бажы кызматтарынын жетекчилеринин жолугушуусу транспорт жана соода байланыштарын өнүктүрүүгө көмөктөшөрүн айтты.
Жолугушууда дипломатиялык миссиялардын ортосундагы аракеттерди координациялоону жогорулатуу маселелери, ошондой эле ОТГнын эл аралык аренадагы өкүлчүлүгүн жана таанымалдуулугун арттыруу жолдору талкууланды. Иш-чаранын катышуучулары ошондой эле Женевада жайгашкан эл аралык уюмдар жана башка инстанциялар менен өз ара аракеттешүүнү кеңейтүү зарылдыгына көңүл бурушту.
Туруктуу өкүлдөр түрк мамлекеттеринин биримдигин жана ОТГнын көп тараптуу деңгээлдеги күн тартибин илгерилетүү үчүн биргелешип аракеттенүүгө даярдыгын билдиришти, ошондой эле Женевадагы Уюмдун демилгелерин колдошту.
