Тергөөчүлөр гиддер бир нече жолу бир эле билетти колдонуп, топторду кичирээк бөлүктөргө бөлүп, экскурсиялар үчүн кошумча чыгымдарды, катышуучулардын санына жараша 20дан 90 еврого чейин, болтурбоо үчүн аракет кылышканын аныкташкан.
Бир жылдан ашык уланган тергөөдө укук коргоо органдары он жылга жакын иштеген уюшкан кылмыштуу схеманы аныкташты. Уюштуруучулар күнүнө жыйырма туристтик топту өткөрүүгө мүмкүнчүлүк алышкан, ал эми музейдин кызматкерлери белгилүү бир сыйлык үчүн мыйзам бузууга көз жумуп келишкен.
Прокуратуранын маалыматы боюнча, алдамчылык жолу менен алынган каражаттар Францияда жана Дубайда жылжымайтын мүлккө салынган. Текшерүүлөрдүн жүрүшүндө полиция дээрлик 1 миллион евро акча жана банкттык эсептерде 500 миң евро чамасында акча алган.
Ошондой эле прокуратура Версалда да ушундай эле схема иштеши мүмкүн экенин белгиледи, бирок деталдары ачык айтылган жок.
2026-жылдын башынан тартып Луврга билеттин баасы Евросоюздун жарандары жана резиденттери үчүн 22 евро, калган коноктор үчүн 32 евро. Топтук билет 28 евро турат.
Дүйнөдөгү эң көп келүүчү музей болгон Лувр акыркы айларда бир нече окуяларга туш болду. 2025-жылдын октябрь айында музейден болжол менен 88 миллион евро баалуу буюмдар уурдалган. Бир нече шектүүлөр кармалганына карабастан, уурдалган баалуу буюмдардын кайда экендиги азырынча такталган жок, бул музейдин убактылуу жабылышына алып келди.
