«B5+1» форумунда өкмөт башчынын биринчи орун басары Данияр Амангельдиев бул иш-чаранын форматы Америка Кошмо Штаттары менен стандарттар, көз карандысыз аудит, комплаенс жана эл аралык жөнгө салуу тармактарында өз ара аракеттенүү үчүн практикалык платформа экенин белгиледи.
Амангельдиевдин айтымында, долбоор америкалык жөнгө салуучулар жана технологиялык өнөктөштөр менен диалог жана демилгелерди сыноо мүмкүнчүлүктөрүн ачат.
Ал Кыргыз Республикасы АКШнын банктары менен корреспонденттик мамилелерди өнүктүрүүнү туруктуу доллардык инфраструктураны жана Борбордук Азияда SWIFT системасы аркылуу эсептешүүлөрдү камсыз кылуу үчүн негизги аспект катары эсептээрин белгиледи.
Амангельдиев бул маселе мурда да көтөрүлгөнүн, бирок азыр Кыргызстан кызматташтыкты ачык эрежелер, толук ачыктык жана АКШнын комплаенс-финансылык системасынын талаптарына ылайык принциптерде жаңыртууга даяр экенин баса белгиледи.
Мындан тышкары, ал өлкөдө чет өлкөдөн жогорку квалификациялуу IT-адистерди тартуу үчүн ыңгайлуу шарттар түзүлгөнүн көрсөттү.
«Айрыкча, АКШнын жарандары үчүн «санарип кочевник» статусунун ийгиликтүү киргизилиши, ошондой эле Креативдик индустриялар паркы жана Жогорку технологиялар паркынын өнүгүшү Кыргызстанды IT-компаниялар жана инновациялык стартаптар үчүн инвестициялык жагымдуулугун кыйла жогорулатат», - деп кошумчалады ал.
