Министрликтин маалыматына ылайык, бул система аркылуу жергиликтүү ташуучулар Кытайга, ошондой эле Өзбекстанга, Түркияга жана Азербайжанга жүк ташууларды электрондук уруксаттар менен жүргүзө башташты.
Электрондук система E-Permit (англисче Electronic Permit) эл аралык жүк ташуулар үчүн уруксаттарды берүү жана текшерүү процессин автоматташтырган платформа болуп саналат.
e-Permit системасынын киргизилиши менен министрлик документтерди алмашуу процессинин кыйла жеңилдегенин белгиледи, анткени ташуучулар эми онлайн режиминде арыздарды толтуруп, тапшыра алышат, жеке келип, кезекте күтүүнүн кажети жок, бул болсо кызмат көрсөтүү мөөнөттөрүн кыскартат.
Мурда уруксат бланктарын тараптар арасында кагаз форматында алмашуу жүргүзүлүп, 2025-жылы 130 миң уруксат документтери алмашылган, бул алардын даярдыгы жана жеткирүү үчүн маанилүү бюджеттик чыгымдарды талап кылган.
Ведомстводо жаңы система ачыктыкты жогорулатууга, процесстерди жеңилдетүүгө, ошондой эле коррупциялык тобокелдиктерди жана мамлекеттик бюджеттен чыгымдарды азайтууга багытталганын белгилешти, бул эл аралык авто ташууларды өнүктүрүүгө жардам берет.
Болжолдорго ылайык, электрондук уруксат системасын киргизүү 2026-жылы мамлекеттик бюджетти 500 миллион сомдон ашык сумма менен толуктоого мүмкүндүк берет.
Эскерте кетсек, 2025-жылдын октябрь айында министрлер кабинети e-Permit системасын иштеп чыгуу жана киргизүү үчүн Кытай менен кызматташтыкта 7 миллион 900 миң сом бөлгөн.
