Тышкы соода структурасында экспорт 18,5% түзсө, импорт 81,5% түздү. Ведомство тышкы жана өз ара сооданын көлөмүнүн кыскарышы негизинен экспорттук жеткирүүлөрдүн азайышы менен байланыштуу экенин белгиледи.
Товар экспортунун көлөмү $2,6 миллиардды түзүп, 43,5% кыскарган. Алтынды эске албаганда, ал 19,7% га кыскарып, $1,9 миллиардга жетти.
Ведомстводо экспорттун кыскарышына негизги себеп катары алтынды аташты, анын жалпы экспорттун көлөмүндөгү үлүшү 26,3% түзөт.
Россия жана Казакстан сыяктуу негизги соода өнөктөштөрдүн тараптан суроо-талаптын кыскарышы да экспортко терс таасирин тийгизди.
Мындан тышкары, машиналар жана жабдууларды камтыган инвестициялык товарларды чыгаруунун көлөмүнүн азайышы экспорттун жыйынтык көрсөткүчтөрүнө байкалаарлык таасир этти, деп белгилешти Минэкономикада.
Ошондой эле, 2025-жылы ички рынокту колдоо үчүн өкмөт тарабынан кабыл алынган айрым чийки товарларды чыгарууга убактылуу чектөөлөр экспорттук кирешелерди жана жалпы экспорттун динамикасын да кыскартты, деп кошумчалашты ведомстводон.
Каралып жаткан мезгилде импорт $11,4 миллиардды түздү, бул 2024-жылдын январь - ноябрь айларына салыштырганда 0,5% көп.
Башкы беттеги сүрөт: rbc.ru.
