Анын айтымында, ЕАЭБге киргенде улуттук стандарттарды транспорт каражаттарынын ось жүктөмүнө байланыштуу жалпы нормаларга ылайык келтирүү чечими кабыл алынган.
Калилов 15 жыл мурун кыргыз жолдорунда 50–60 тоннага чейинки оор транспорттун мындай активдүү жүрүшүн эч ким күтпөгөнүн эске салды. Ал убакта өлкөдөгү жаңы жолдор 11,5 тоннага ылайык долбоорлонуп жатса, Казакстанда, Беларуссияда жана Россияда бул көрсөткүч 13 тоннага жеткен.
«11,5 тонна нормасы — бул акыркы өлчөм эмес. 13 тоннага өтүүнү дароо баштоо керек, болбосо келечекте бул олуттуу көйгөйлөрдү жаратышы мүмкүн», — деди мурдагы министр.
Ал ошондой эле Кыргызстандагы альтернативдүү жана реконструкцияланып жаткан жолдор дагы 11,5 тонна параметрлери менен долбоорлоону улантып жатканын, анткени мурдагы кол коюлган келишимдерде дал ушундай нормалар белгиленгенин баса белгиледи.
