Ал республика боюнча аэропортторду масштабдуу модернизациялоонун жүргүзүлгөнүн, учуу-отуруу тилкелери жаңыланганын, терминалдар реконструкцияланганын жана заманбап навигация жана учуу коопсуздугу стандарттары киргизилгенин айтты. Бул кадамдар региондор арасында транспорттук байланыштарды кыйла жакшыртып, эл аралык авиарейстердин көбөйүшүнө шарт түздү.
«Биз фактически заманбап талаптарга жооп беребиз жана өлкөнүн авиация инфраструктурасын толугу менен кайра куруу иштерин жүргүздүк», - деп баса белгиледи президент.
Садыр Жапаров ошондой эле бул аракеттердин натыйжасында Кыргызстан Европалык Союздун «кара тизмесинен» чыгуу үчүн маанилүү этапка жакындап жатканын кошумчалады, анткени республика дээрлик эки он жылдык бою ошол тизмеде турган. Европалык аба мейкиндигин ачуу, анын пикири боюнча, туризмди өнүктүрүү, чет элдик инвестицияларды тартуу жана өлкөнүн эл аралык имиджин бекемдөө үчүн маанилүү кадам болот.
Мындан тышкары, ал бирдиктүү авиация мейкиндигине кошулуу жолачылар жана жүк ташуу тармагында жаңы экономикалык мүмкүнчүлүктөрдү ачарын, бул болсо мамлекеттин өнүгүшүнө жана жарандардын жашоо деңгээлин жогорулатууга көмөктөшөөрүн белгиледи.
