Бердикеевдин айтымында, жеке таратуучу компаниялар ар дайым улутташтыруу коркунучунда болушкан. Ал 28 мындай компаниянын учурда 12си гана калганын жана алардын бардыгы өз тармактарын курган ички инвесторлор экенин тактады. Ошол эле учурда жеке компанияларда электр энергиясынын жоготуулары 4–5% түзсө, НЭСКте бул көрсөткүч 18%га жетет.
Бердикеев таратуучу компаниялар активдүү курулуш мезгилинде түзүлгөнүн, ошол учурда БПЭС жаңы объектилерди электр тармактарына туташтырууга жетиштүү каражат жана мүмкүнчүлүккө ээ болбогонун түшүндүрдү.
«Жеке компаниялар курулушка өз каражаттарын инвестициялашкан, эми аларды бул мүлктү кайтарууга мажбурлоого аракет кылышууда. Өткөн жылы бизге импортту таңуулаганга аракет кылышты, бирок биз анын жоктугун далилдедик. Эми башка шылтоо менен так аталган сатып алуу жүргүзүлүүгө аракет кылынууда. Ар бир тармак, айрыкча энергетикадай маанилүү тармак, монополия эмес, атаандаштык шартында өнүгүшү керек», - деди Бердикеев.
Ал ошондой эле сатуудан баш тарткан учурда компанияларга жергиликтүү электр энергиясын жеткирүүнү токтотушу мүмкүн экенин кошумчалады. Андай учурда алар тек гана импорттук электр энергиясын тарата алышат. Импорт мамлекет тарабынан субсидиялангандыктан, жеке компаниялар пайдасыз абалга түшүп, банкрот болушу мүмкүн.
Бердикеев президентти пайда болгон кырдаалга көңүл бурууга чакырып, мындай аракеттер инвесторлордун ишенимин жоготууга алып келиши мүмкүн экенин белгиледи.
«Эгер долбоор сатып алуу шылтоосу менен алынып койулса жана бул маалымат инвесторлорго жана ишкерлерге жетсе, эртең башка чакан ГЭСтерди ким кепилдейт, аларды да алып койбойт? Бул бардыгы биздин министрдин демилгеси менен болуп жатат. Мен президент кырдаалдан кабардар деп ишенем жана туура чараларды көрөт деп үмүттөнөм», - деп жыйынтыктады ал.
