Тарыхында биринчи жолу Кыргыз Республикасының эл аралык резервдери 10 миллиард АКШ долларынан ашып, бул тууралуу Президенттин маалыматтык саясат кызматынын жетекчиси Дайырбек Орунбеков маалымдады.
Ал, бул маалыматты Кыргыз Республикасынын Улуттук банкынын төрагасы Мелис Тургунбаев билдиргенин, ал өлкөнүн алтын-валюта резервдери тууралуу сөз болуп жатканын тактады.
«Бүгүн биз сыймыктануу менен айта алабыз, Кыргызстандын эл аралык резервдеринин көлөмү биринчи жолу 10 миллиард АКШ долларынан ашып кетти. Бул биздин өлкөнү өнүккөн мамлекеттер менен бир тепкичке коюучу маанилүү көрсөткүч. Кыргызстан жогорку резервдери бар өлкөлөрдүн элиталык клубунун бир бөлүгү болуп калды», — деп баса белгиледи Тургунбаев.
Орунбеков ошондой эле, жетишилген резервдердин деңгээли республикасынын мамлекеттик тышкы карызынан дээрлик эки эсе жогору экенин кошумчалады. Бул валюталык рынокту мүмкүн болгон тышкы соккулардан ишенимдүү коргойт жана өлкөнүн импортун дээрлик тогуз айга жабууга мүмкүнчүлүк берет.
Ал эл аралык резервдердин өсүшү макроэкономикалык туруктуулуктун жана Кыргызстандагы финансылык система боюнча ишенимдин маанилүү көрсөткүчү экенине көңүл бурду.
