Ал акыркы он жылда окуучулардын санынын өсүшү байкалып жатканын белгиледи. «2015-жылы мектеп окуучуларынын саны 1 миллион 43 миңди түзсө, азыр бул сан 1 миллион 536 миңге жетти. Бул, албетте, учурда 93,6 миңди түзгөн иштеп жаткан педагогдордун санына таасир этти. Салыштырсак, 2023-жылдын майында мектептерде 698 мугалим жетишпей турган, кийинки жылы — 894, ал убакта 12 жылдык билим берүүгө өтүү болгон эмес. 2025-жылдын майында мугалимдердин жетишпестиги 850 адамды түзгөн», — деп кошумчалады Брызгалова.
Ал ошондой эле «Мугалим» системасында кадрдык потенциалды оптимизациялоо үчүн билим берүү мекемелеринде вакансиялар жайгаштырылып жатканын, бул каалагандарга катталып, жумуш табууга мүмкүнчүлүк берерин айтты.
«2026-жылдын январь айынын абалы боюнча мамлекеттик жана муниципалдык мектептерде 761 мугалим жетишпейт. Айрыкча физика, математика, химия жана биология мугалимдеринин жетишпестиги курч турат. Бишкек жана Чүй облусунда педагогдорго болгон муктаждык эң жогору, бул калктын жыштыгы менен байланыштуу», — деп жыйынтыктады Ольга Брызгалова.
