Ал учурда 10 пайыз алынган суммадан кармалып, кийин сот аткаруучуларына негизги айлыктарына кошумча сыйлык катары бөлүнөрүн түшүндүрдү.
«Биздин изилдөөлөр көрсөткөндөй, ири суммадагы карыздар негизинен Бишкек жана Чүй облусунда өндүрүлөт. Ошондуктан, кээ бир сот аткаруучулары 1 миллион сомго чейин алса, башка аймактарда айлык 23 миң сомду гана түзөт, анткени ал жакта ири суммадагы аткаруу листтери жок. Бул кырдаал кадрлардын агып кетишине алып келет, учурда 20 бош орун бар», — деп белгиледи Конкубаева.
Жаңы эрежелер боюнча, чогултулган 10 пайыз бардык сот аткаруучулары арасында пропорционалдуу бөлүштүрүлөт.
Ал ошондой эле жаңы мыйзам боюнча системага киргизилген жеке сот аткаруучулары туруктуу айлык албай, алардын сыйлыктары өндүрүлгөн каражаттын 3төн 25 пайызга чейин түзөөрүн кошумчалады.
2025-жылы прокуратуранын маалыматы боюнча, сот аткаруучулары 196 миллион сом өндүрүүгө жетишкен.
Башкы прокуратуранын «Сот аткаруу өндүрүшүндөгү айрым мыйзам актыларына өзгөртүүлөрдү киргизүү жөнүндө» мыйзам долбоору жеке сот аткаруучулардын институтун киргизип, алимент төлөбөгөндөр үчүн жаза чараларын күчөтөт.
