Бул тууралуу Turmush агенттигинин кабарчысы маалымдады.
Эсенгул Карасартов атындагы орто мектептин базасында Тажикстан менен Ооганстандын чек арасындагы кырдаалды турукташтырууга катышкан ардагерлерге арналган майрамдык аскердик-мәдени иш-чара өткөрүлдү.
Иш-чарада жергиликтүү бийлик өкүлдөрү, Тажик-Ооган окуяларынын ардагерлери, айыл өкмөтүнүн башчылары жана ар түрдүү мекемелердин жетекчилери катышты.
Иш-чара мектептин администрациясы жана аскерге чейинки даярдык мугалими Самат Бейшеновдун колдоосу менен уюштурулду, окуучулар ар кандай аскердик колдонмо оюндарды көрсөтүштү. Ошондой эле концерттик программа даярдалды. Ардагерлер Ак-Тала райондук мамлекеттик администрациясынан жана айыл өкмөтүнөн акчалай жардамдар жана сыйлыктар алышты.
Эскерте кетсек, Тажик-Ооган чек арасындагы конфликт 1990-жылдардын башында, тактап айтканда 1992-1997-жылдар аралыгында, Тажикстандагы жарандык согуш учурунда башталган. Тажик оппозициясынын куралдуу топтору Ооганстандан чек араны кесип өтүүгө аракет кылышкан, бул чек арачылар менен кагылышууларга алып келген. Конфликтти локализациялоого советтик жана тажик аскерлеринин жардамы менен жетишилди, бирок согуштук аракеттердин натыйжасында көптөгөн адамдар жабыркаган жана каза болгон.
Кыргызстандан болжол менен 3000 аскер Тажик-Ооган окуяларына катышкан, жана бүгүнкү күндө алардын 36сы Ак-Тала райондук аскер комиссариатында катталган. 1999-жылдын 25-февралында Кыргызстан Тажик-Ооган чек арасынан өз аскерлерин чыгарууну аяктаган.
