Омурзаков бул рейтингдердин тактыгына күмөн санап, бийликтин абаны тазалоо үчүн кандай чараларды көрүп жатканына кызыкты. Министр жооп берип жатып, атмосферанын булганышына алып келген үч негизги багыт бар экенин жана бийлик бул факторлорду жоюу боюнча активдүү иштеп жатканын белгиледи. Анын айтымында, Бишкектеги аба сапаты акыркы бир-эки жылда жакшырганын «Кыргызгидромет» тастыктады.
«Бизде мындай билдирүүлөр үчүн жетиштүү негиздер жок. Күмөн саноолорду жоюу үчүн мониторинг системаларын модернизациялап жатабыз. Проект аяктаган соң жаңыланган маалыматтарга таянууга болот. Жылдын аягына чейин жаңы мониторинг системасы ишке киргизилет, ошондой эле абанын булганышын азайтууга багытталган долбоорлор ишке ашырылат», – деп кошумчалады Машиев.
Суйунбек Омурзаков болсо, башка өлкөлөрдүн тажрыйбасына көңүл буруп, жашылдандыруу аркылуу түтүн деңгээлин 30% га төмөндөтүүгө жетишкенин айтып, ушул ыкманы изилдөөгө чакырды.
