Министрдин милдетин аткаруучу врачтарды алыскы райондорго тартуу кыйынчылыгын белгиледи. Көптөгөн адистер өзүнүн комфортун жана үй-бүлөсүнүн бакубаттуулугун эске алып, шаарларда иштөөнү артык көрүшөт.
«Бул маселени окуу учурунда, ординатура мезгилинде чечүүнү баштоо маанилүү. Ординатураны аяктаган врачтар дипломдуу адистер болуп калат. Бирок алар билим алуу үчүн каржылоону албайт, айрымдары аны өздөрү төлөөгө мажбур болушат. Ошондуктан ординаторлорго айлык берүү жана окууну аяктаган соң аларды бир-эки жылга аймактарга жөнөтүү керек. Бул кадрдык маселени чечүүгө жардам берет», — деди Дамирбек Осмонов.
