Ал Кыргызстанга импорттоодо тоскоолдуктардын жоктугуна карабастан, экспортто ар кандай кыйынчылыктарга туш болуп жатканын белгиледи. Депутат мисал катары Казакстан менен чек арада оор жүк ташуучу унаалардын чоң кезектерин көрсөттү.
Экономика жана соода министринин орун басары Султан Ахматов транзиттеги кечигүүлөр Россия жана Казакстандагы ички көйгөйлөрдөн улам болуп жатканын, бул кыргызстандык экспортчулар үчүн кыйынчылыктарды жаратып жатканын түшүндүрдү.
Анын айтымында, Кыргызстан ЕАЭБдин алкагында белгиленген талаптар жана процедуралар бузулса, өз кызыкчылыктарын коргоого даяр. «Мындай учурда биз каттарды даярдап, Евразия экономикалык комиссиясына жөнөтөбүз», — деп кошумчалады ал.
Жыйында ошондой эле, Таможня союзуна караштуу бажы мыйзамдарын бузуу үчүн кылмыштык жана административдик жоопкерчилик боюнча келишимге өзгөртүүлөрдү киргизген протокол долбоору каралууда.
