Ал көптөгөн окуу жайлары билим алуу баасын кыйла жогорулатканын, бул болсо көптөгөн жаштар үчүн жеткиликсиз кылып жатканын белгиледи.
«Окуу жайлары студенттердин эсебинен пайда табуу үчүн ар кандай жолдорду табышууда. Биз өткөндө пропусктар үчүн коммерциялык практиканы токтоттук, бирок азыр дагы студенттерден кредиттер үчүн акча талап кылынууда. Окуу жайлары мындай эрежелерди коюу үчүн кандай юридикалык негиздерге таянууда? Бул жагдайды тереңирээк изилдөө керек», — деп кошумчалады Бекешев.
Эскерте кетсек, буга чейин Кыргызстандын илим, жогорку билим берүү жана инновациялар министрлиги, менчик формасына карабастан, окуу жайларына студенттерден сабактарды пропустаганы үчүн жана өндүрүштүк практика үчүн айыппулдарды алуу практикасынан баш тартууну сунуш кылган.
Министрликтин маалыматына ылайык, бул сунуш студенттердин укуктарын коргоо жана окуу дисциплинасына адилеттүү жана бирдиктүү мамилелерди түзүү, ошондой эле билим берүү тармагында негизсиз финансылык жаза чараларын алдын алуу максатын көздөйт.
