Долбоор бир нече негизги өзгөртүүлөрдү камтыйт.
Биринчи кезекте, китеп басып чыгарууга байланыштуу мамлекеттик саясаттын жаңы багыты киргизилет. Авторлор китептер маданий чөйрөнүн маанилүү бөлүгүн түзөөрүн белгилешет жана акыркы он жылдыкта окуу активдүүлүгүнүн төмөндөшүнө карабастан, улуттук адабиятка болгон кызыгуу өсүп жатканын байкашат. Ошондуктан, басма ишмердүүлүгүн колдоо боюнча мыйзамдык чараларды бекитүү сунушталууда.
Экинчи, мыйзамга илимий изилдөөлөр жана маданий тармакка заманбап инновациялык технологияларды киргизүү боюнча жоболор кошулат.
Ошондой эле, мамлекеттик жана муниципалдык органдар тарабынан башталуучу чыгармачылык заказдарга байланыштуу өзгөртүүлөр каралган. Заказ берүүгө мүмкүн болгон чыгармалардын тизмеси кеңейтилип, кыргыз элдин тарыхын чагылдырган эмгектер, ошондой эле улуттук жана дүйнөлүк баалуулуктар киргизилет.
Мындан тышкары, эл аралык маданий алмашууну жөнгө салган 44-беренеде маанилүү жакшыртуулар сунушталууда. Мыйзам долбоору маданий баалуулуктарды өндүрүү, эстеликтерди реставрациялоо, окуу программаларын алмашуу жана эл аралык фестивалдарды уюштуруу сыяктуу жаңы кызматташтык багыттарын аныктайт. Маданий уюмдардын ыйгарым укуктары да кеңейип, алар чет өлкөлүк өнөктөштөр менен түздөн-түз келишимдерди түзүүгө мүмкүнчүлүк алышат.
Документтин негиздемесинде, акыркы жылдары мамлекет китеп басып чыгаруу жана китепкана фондусун колдоону көбөйткөнү көрсөтүлгөн. Мисалы, 2022-жылы бюджеттик каражаттардын эсебинен 5 миллион сомго 25 миң китеп сатып алынган.
Долбоордун авторлору бул мыйзамды киргизүү кошумча бюджеттик чыгымдарды талап кылбайт жана экологиялык, гендердик же коррупциялык тобокелдиктерди жаратпайт деп баса белгилешет.
