Шаарчанын түзүлүшү боюнча демилге президенттен келип, ал буга чейин бар болгон «Максат» реабилитациялык борборунун базасында ишке ашырылат.
Саламаттык сактоо министри Каныбек Досмамбетов «Максат» борборуна барып, анын инфраструктурасы, балдарга жардам көрсөтүү шарттары жана келечектеги өнүгүү мүмкүнчүлүктөрү менен таанышып чыкты.
Проект ДЦП, РАС, Даун синдромунан, өнүгүү кечигүүлөрүнөн жана башка оорулардан жабыркаган балдар үчүн реабилитациялык шаарча түзүүнү камтыйт. Шаарчага стационардык, амбулатордук жана күндүзгү реабилитациялык борборлор, ошондой эле РАС жана Даун синдромундагы балдар үчүн атайын борбор иштейт. Мындан тышкары, 150 орундуу ДЦП менен жабыркаган балдар үчүн заманбап борбор, ата-энелер жана медициналык кызматкерлер үчүн жатакана, ошондой эле билим берүү жана методикалык блок каралган.
Шаарчанын алкагында реабилитациялык залдарды, гидротерапия үчүн бассейнди, физиотерапия, массаж, сенсордук интеграция, эрготерапия, логопедия жана психология кабинеттери, ошондой эле эмгек терапиясы зоналарын жабдуу пландалууда. Иппотерапия элементтери менен ачык оюн жана реабилитациялык мейкиндиктер да эске алынат.
Шаарчадагы иш-аракеттер далилдүү медицина, көп тармактуу жакындашуу жана үй-бүлөлөрдү тартуу менен индивидуалдык реабилитациялык программалардын принциптерине негизделет. Маман даярдоого жана үй-бүлөгө багытталган жардам моделин өнүктүрүүгө өзгөчө көңүл бурулат.
Бул проект балдардын саламаттык сактоо жана реабилитация боюнча мамлекеттик саясаттын приоритеттерине жооп берет жана башка региондордо ушундай демилгелерди масштабдоонун үлгүсү болуп, балдарга медициналык жардамдын сапатын жана жеткиликтүүлүгүн жогорулатат.
