Ал мурда сертификаттарда туура эмес алгычтар көрсөтүлгөн учурлар болгонун белгилеп, бул жеткирүүдө кыйынчылыктарды жаратканын айтты. Эгер жыл ичинде мындай бузулуулар кайрадан аныкталса, сертификаттын берилиши 60 күнгө токтотулат. Алгачкы бузулуу учурунда жөнөтүүчүгө көйгөй жөнүндө жөн гана маалымдалат», - деп түшүндүрдү Каныбек уулу Элимбек.
Мындан тышкары, жыйында 2026-жылдын июлунда күчүнө кире турган тышкы электрондук сооданы жөнгө салуу маселеси да талкууланды. Аны катышуучу өлкөлөр тарабынан ратификацияланган соң, интернет-платформалар аркылуу киргизилген товарлар 200 еврого чейин бажы төлөмдөрүнөн бошотулат. Калган товарларга 5% ставка колдонулат, бирок килограммына 1 евродон кем эмес.
Кыргызстан ЕАЭБдин алкагында өнөр жай кызматташтыгы үчүн финансылык колдоо механизмин түзүү боюнча демилгени да колдоду. Бул механизм биргелешкен өнөр жай жана агропромышлендык долбоорлорду, айрыкча экономикасы кичине өлкөлөр үчүн, анын ичинде Кыргызстан үчүн жеңилдетилген финансирлөөнү карайт.
Башкармалыктын жетекчисинин айтымында, документ премьер-министрлердин деңгээлинде кабыл алынган жана азыркы учурда ички мамлекеттик процедуралардан өтүүдө.
Тийиштүү актылар Союздун алкагында бекитилген, алардын ишке ашырылышына даярдык көрүлүүдө, ошондой эле бизнес коомчулугу менен түшүндүрүү иштерин жүргүзүү пландалууда.
