Бул мыйзам долбоорунун алкагында «Суу чарба курулмаларын бузуу» боюнча 116-беренени коомдук иштер түрүндөгү альтернативдүү жаза менен толуктоо пландалууда, ал 20 сааттан 40 саатка чейин созулат.
Учурда бул укук бузуулары үчүн физикалык жактарга 20 миң сом, юридикалык жактарга 65 миң сом өлчөмүндө айып пулдар каралган.
«Бул демилгени ишке ашыруунун негизги максаты - айып пулдар төлөнбөгөн же алдын алуу таасирин бербеген учурларда жазанын сөзсүздүгүн камсыз кылуу, ошондой эле укук бузуучуларда экологияга жана шаардык инфраструктурага болгон сый-урматты калыптандыруу, мамлекеттик бюджеттин кыска мөөнөттүү камакка алуу жана айып пулдарды өндүрүү боюнча чыгымдарын азайтуу», - деп жазылган мыйзам долбоорунун негиздемесинде.
Ошондой эле сунушталган өзгөртүүлөр «Аймакты көрктөндүрүү эрежелерин бузуу» боюнча 114-беренеге тиешелүү, анда эскертүүнүн ордуна 20 сааттык коомдук иштерди дайындоо мүмкүнчүлүгү сунушталууда.
115-беренеге «Бекитилбеген жерлерде таштандыны чыгаруу, жыйноо, күйгүзүү» үч өзгөртүү киргизүү сунушталууда: биринчи бөлүмдө эскертүү коомдук иштер (20 саат) менен алмаштырылат; 2 жана 3-бөлүмдөрдө айып пулдун ордуна же кошумча катары 20-30 сааттык коомдук иштер киргизилет.
Депутаттын айтымында, коомдук иштерди киргизүү:
· укук бузуучу бузулган аймакты калыбына келтиргенде, жашоочуларга калыстык принциптерин көрсөтүүгө мүмкүндүк берет;
· төлөнбөгөн айып пулдардын санын жана алардын өндүрүлүшү менен байланышкан мамлекеттик чыгымдарды азайтууга жардам берет;
· үй-бүлөлүк жана өнөр жай калдыктарын башкарууда тартипти бекемдөөгө, уруксат берилбеген таштанды жайларынын санын азайтууга жана калктуу пункттардагы санитардык шарттарды жакшыртууга жардам берет;
· жеке эмгектин тарбиялык таасиси аркылуу кайрадан укук бузууларды жасоо мүмкүнчүлүгүн азайтууга жардам берет.
