«Тарыхта биринчи жолу биздин эл аралык резервдерибиз (алтын-валюта резервдери) 10 миллиард доллардан ашып кетти. Биз эки сандык көрсөткүчкө жеттик, бул чоң ийгилик. Биздин резервдер азыр ири өнүккөн өлкөлөрдүн ресурстарына салыштырмалуу. Биз элиталык клубга кирдик», — деди ал.
Анын айтымында, учурдагы резервдердин көлөмү мамлекеттин тышкы карызынан дээрлик эки эсе көп.
Нацбанктын башчысы ошондой эле бул резервдердин саны валюталык рынокту тышкы шоктордон толук коргойт жана импортту 9 айга чейин жабууга мүмкүнчүлүк берет деп кошумчалады.
Улуттук статистика комитетинин маалыматына ылайык, 2025-жылдын биринчи 9 айында товарлардын импорту 9 миллиард 135,6 миллион долларды түздү.
Президент Садыр Жапаров 2025-жылдын 17-декабрында Жогорку Кеңештин пленардык жыйынында өлкөнүн алтын-валюта резервдеринин өсүшү менен тышкы саясаттагы жетишкендиктерди салыштырды.
Ал быйыл өлкөнүн алтын-валюта резервдери 8,5 миллиард долларга жеткенин белгиледи.
«Салыштыруу үчүн, 2020-жылы биздин резервдер 2 миллиард доллардан бир аз ашык болчу. Бүгүнкү күндө бул 8,5 миллиард доллар. Демек, кыска убакыттын ичинде биз бул көрсөткүчтү 6 миллиард доллардан ашык көбөйтүүгө жетиштик», — деп баса белгиледи президент.
