Иманалиев шаардык кеңеш жаңы тарифтерди бекитсе, паркингдин баасы биринчи эки саат үчүн 30дан 50 сомго чейин, андан кийин ар бир кийинки саат үчүн 20 сом болот деп белгиледи. «Мындай өзгөрүүлөрдүн натыйжасында көпчүлүк шаардыктар коомдук транспортко өтүүгө мажбур болушат, ал эми жайкы мезгилде — велосипеддерге же самокаттарга. Бул жол тармагын кыйла жеңилдетет», — деп кошумчалады ал.
Адис Бишкектеги паркинг маселесин жакшыртууга багытталган бир катар демилгелерди белгиледи:
- мунитипалдык паркингдердин санын көбөйтүү,
- көп кабаттуу паркингдерди куруу,
- ротордук паркингдерди орнотуу,
- жолду кеңейтүү жана жаңы паркингдер үчүн карманын түзүү,
- саат сайын төлөмдү киргизүү.
Иманалиевдин айтымында, шаардагы төрт райондун ар биринде 2-3 көп кабаттуу паркинг куруу пландалууда, алардын ар бири 200дөн 300 унаага чейин жайгашат, кээ бир учурларда 500гө чейин.
«Бул паркингдер үчүн жер тилкелерин аныктоо жана алардын ишке ашыруу процессин баштоо боюнча жетекчиликтен тапшырма алынды. Жер жайгашуусуна жараша, кээ бир паркингдер жогору, кээ бири төмөн курулат», — деп түшүндүрдү ал.
