Анын айтымында, учурда өлкөдө ай сайын болжол менен 300 миң жаран алты түрдөгү социалдык төлөмдөрдү алат:
- бала төрөлгөндүгү үчүн 4 миң сом;
- 16 жашка чейинки балдары бар аз камсыз болгон үй-бүлөлөр үчүн 1 миң 200 сом;
- пенсия алуучу укугу жоктор үчүн 6 миң 300 сом;
- ата-энеси аныксыз балдар үчүн 6 миң сом;
- жогорку тоолуу райондордо жашаган үй-бүлөлөр үчүн үчүнчү жана андан кийинки балдарга 3 миң сом (үч жашка чейин);
- жогорку тоолуу райондордон көп балалуу энелер үчүн төртүнчү жана андан көп баланын төрөлүшүнө 100 миңден 1 миллион сомго чейин (бир жолку төлөм).
Эдиль Байсалов өткөндө өкмөт бюджеттин жетишсиздигинен улам төлөмдөрдү чектеп келгенин, бул жөлөк пулдарды алуу үчүн ар кандай тоскоолдуктарды жаратканын белгиледи.
«Бардык тоскоолдуктар Конституциянын социалдык мамлекет экендигин тастыктаган беренесине жооп бербейт. Президентти көптөгөн тоскоолдуктар социалдык төлөмдөрдү берүү процессин токтотуп жатканы тынчсыздандырат. Мисалы, Бишкекте 1,5 миллион адам жашаса, 1 жашка чейинки 60тан аз бала жөлөк пул алууда, ал эми 3 жашка чейин болгондордун саны 200гө жакын. Бул кабыл алынгыс», — деди өкмөт башчынын орун басары.
Ал өкмөт депутаттар менен биргеликте төлөм системасын жакшыртуу боюнча ар кандай демилгелерди иштеп жатканын жана аларды кылдат карап, талкууланарын кошумчалады.
