Архивдик сүрөт. Пентагондун бир сценарийи аятолла Али Хаменейди жок кылууну камтыйт, деп билдирет Axios
Эл аралык мамилелер боюнча булактын айтымында, «эгер ирандык тарап конфликттен качкысы келсе, алар четке кагуу кыйын болгон бир нерсени сунуштоосу керек. Алар дайыма мындай мүмкүнчүлүктөрдү жоготуп жатышат. Эгер оюндарды уланта берсе, биздин чыдамдылыгыбыз түгөнөт».
Ирандын тышкы иштер министри Аббас Аракчи Ирандын сунушунун акыркы версиясы жакынкы эки-үч күндүн ичинде даяр болорун билдирди.
Эл аралык мамилелер боюнча булак «президент азырынча аскердик сокку берүү боюнча акыркы чечимди кабыл алган жок. Мен бул боюнча ишенем, анткени бул дагы болгон жок. Балким, ал муну эч качан чечпейт» деп айтты.
Ал ошондой эле Пентагон Трампка бир нече стратегияларды сунуштаганын белгиледи. «Ар кандай жагдайлар үчүн пландар бар. Алардын бири аятолла жана анын мүмкүн болгон мураскери катары эсептелген уулун жок кылууну камтыйт», — деди ал, Ирандын жогорку лидери Али Хаменейди айтып.
«Президент кайсы вариантты тандайт — бул сыр бойдон калууда. Даже ал, балким, муну билбейт», — деп кошумчалады булак.
Башка бир булак Хаменейди жана анын уулун жок кылуу планы Трампка бир нече жума мурун сунушталганын тастыктады.
Учурда Иран уран байытпайт, анткени июнь айындагы аба соккулары анын ядролук объектилериндеги центрифугаларды кыйла зыянга учураткан. Али Хаменей буга чейин Иран өзүнүн байытууга болгон укугунан баш тартпасын, Тегерандын айтымында, бул тынчтык максатында гана жүргүзүлөрүн баса белгилеген. Дональд Трамп болсо Ирандын уран байытканын кабыл алгыс деп билдирген.
