Turmush маалымат агенттигинин кабарчысы менен болгон маегинде ал гүл өстүрүү анын үчүн жөн гана кызыгуу эмес, жашоонун мааниси болуп калганын айтты.
«Мен гүлдөрүм менен жашайм. Көңүлүм көтөрүлсө же ыйласам — баарын гүлдөрүмө айтып берем. Менде 15тен ашык гүл түрлөрү бар. Ар бири өзүнчө карап турууну талап кылат. Алар үчүн атайын витаминдер сатып алам. Гүлдөр абдан мээримге жана камкордукка муктаж.
Кээде аларга музыка коюп берем. Алардын арасында колатеянын бир нече түрлөрү, «аялдын бактылуулугу» гүлү, аргезия, ар кандай лилиялар, кызыл антуриум жана башка гүлдөр бар. Менде калла гүлі бар — ал 7 жылдан бери ар жылы кышында туулган күнүмдө гүлдөп чыгат. Гүлдөр үчүн витаминдерден тышкары, ар кандай топурак жана тыңайткычтар сатып алам», - деди ал.
Мутабардын айтымында, гүлдүн көчөттөрүн негизинен Бишкектен заказ кылат. Кээ бир түрлөрүн өзү өстүрөт — бутактарын тамырлантат, уруктарын жыйнайт жана көбөйтөт.
«Гүлдөрдүн баалары ар түрдүү. Эң кымбаты — «ардизия» деп аталган гүл, анын баасы 1000 сомго чейин жетет. Негизи, мүмкүн баасына байланыштуу, ага болгон суроо-талап анча жогору эмес. Калган түрлөрдүн баасы ар кандай: 250 сомдон, көбүнчө 300–500 сомго чейин.
Мындан тышкары, менде «Алтын балык» деп аталган кызыктуу гүл бар — сатып алуучулар андан абдан кызыгышат», - дейт ал.
Мутабар гүлдөрдү үйдө, коридордо өстүрөт: «Атайын жылуулук системасын орноттум, ал эми жылуу күндүн нуру жакшы түшүшү үчүн чоң өлчөмдөгү терезе орноттум.
Үйдө да гүлдөрдү өстүрүп, жакшы киреше табууга болот. Күнүмдүк чыгымдар, тамак-аш үчүн акча чыгат. Мурда Россияда иштедим, ал эми айылга кайтып келгенде гүлдөрдү өстүрүүгө баштадым. Убакыт өтпөй калды, бирок менде гүлдөр абдан көп болуп калды. Жаңы түрлөрдү алып келүүнү пландап жатам», - деди ал.
