Ал мындай дүкөндөрдүн товарларды кайра сатуу максатында сатып алууга арналбаганын, сатып алуучулардын эсепке алынып, эл менен түздөн-түз иштешерин түшүндүрдү.
Иманкулов ошондой эле бул дүкөндөрдө бир колго чектелген өлчөмдө продукция сатыларына көңүл бурду.
«Социалдык дүкөндөрдө бир сатып алуучуга 10 килограмдан ашык товар сатууга уруксат берилбейт. Эгер запастар түгөнүп калса, бул норманы 5 килограмга чейин төмөндөтүүгө болот. Бирок 10 килограмдан ашык товар бир кардарга берилбейт», - деп тактады орун басар.
Мындан тышкары, ал Бишкектеги «Заря» аймагындагы абал тууралуу маалыматтын кылдат текшерилерин белгиледи.
«Бүгүнкү жыйналыштан кийин мен жолугушуу өткөрүп, көзөмөлдү күчөтүү боюнча конкреттүү көрсөтмөлөрдү берем. Эгер мындай көйгөйлөр чындап болсо, биз кесиптештерим менен биргеликте зарыл чараларды көрөбүз», - деп кошумчалады Иманкулов.
Анын айтымында, Антимонополия кызматы айыл чарба министрлиги жана жергиликтүү бийлик менен кызматташып, кошумча социалдык соода жайларын түзүү мүмкүнчүлүгүн карайт.
