Архивден алынган сүрөт. КРнын Соода-өнөр жай палатасынын энергетика комитетинин төрайымы Кундус Кырбашева
Адистин айтымында, бул көрүнүш дүйнөлүк мүнөзгө ээ. Көршү өлкөлөрдө электр энергиясынын жетишсиздигинен улам, жарандарды ресурстарды үнөмдүү пайдалануу жана экономиялоо боюнча маалымдоо үчүн активдүү кампаниялар өткөрүлүүдө.
Электр энергиясын керектөөнүн өсүшүнө себеп болгон негизги факторлорго калктын санынын көбөйүшү кирет, бул өз кезегинде ресурстарга болгон талапты жогорулатат.
«Өткөндө, 10-20 жыл мурун, абал башкача болчу: үйлөрдө кичинекей муздаткычтар колдонулчу, кондиционерлер жана көптөгөн гаджеттер жок болчу, ошондуктан электр энергиясына болгон талап кыйла төмөн болчу. Азыркы керектөө бир нече эсе өстү. Ошондой эле, ишканалардын, мини-цехтердин, фабрикалардын жана жаңы турак жайлардын санынын өсүшү электр энергиясын керектөөнү дагы көбөйтүп жатат», — деп белгиледи Кундус Кырбашева.
Адис энергияны үнөмдөө маанилүүлүгүн баса белгилеп, энергия эффективдүү жабдууларды жана А класстагы жана андан жогору үй техникасын колдонууга, ошондой эле кадимки лампаларды энергияны үнөмдөгөн лампаларга алмаштырууга чакырды.
«Биздин ата-энелерибиз ар дайым ресурстарды үнөмдөөгө үйрөтүшчү. Бизге бул принципти карманып, электр энергиясын пайдаланууга жоопкерчилик менен мамиле кылуу керек», — деп жыйынтыктады адис.
Өкмөттүн маалыматы боюнча, 2025-жылы Кыргызстанда электр энергиясын керектөө көлөмү 19,3 миллиард киловатт-саатка жетет, бул 2024-жылга салыштырганда 900 миллион киловатт-саатка көп.
