Садыр Жапаров белгилегендей, Кыргызстан Америка Кошмо Штаттары менен тең укуктуулук жана өз ара пайда алуу принциптеринде эки тараптуу жана көп тараптуу мамилелерди өнүктүрүүгө даяр. Ал өлкөнүн тышкы саясатындагы негизги приоритеттердин бири чет өлкөдөгү өнөктөштөр менен соода-экономикалык жана инвестициялык байланыштарды өнүктүрүү экенин баса белгилеп, экономикалык өз ара аракеттенүүнү тереңдетүү үчүн маанилүү потенциал бар экенин айтты.
Президент ошондой эле «B5+1» (Business 5+1) платформасынын маанисине көңүл бурду жана Бишкекте башталган «B5+1» экинчи диалог форуму Кыргызстан менен АКШнын соода-экономикалык кызматташтыгын кеңейтүүгө, биргелешкен долбоорлорду ишке ашырууга жана регионалдык өз ара байланыштарды бекемдөөгө көмөктөшөт деп үмүттөнөрүн билдирди.
Мындан тышкары, Жапаров Кыргызстан «C5+1» (Ортолук Азия — АКШ) платформасынын алкагында кызматташтыкты өнүктүрүүгө кызыкдар экенин белгиледи, ал акыркы он жылда Ортолук Азия өлкөлөрү менен Америка Кошмо Штаттарынын көп тараптуу өз ара аракеттенүүсү үчүн натыйжалуу механизм катары өзүн көрсөттү.
Серджио Гор, өз кезегинде, жылуу кабыл алганы үчүн ыраазычылык билдирип, Америка Кошмо Штаттарынын президенти Дональд Трамптан саламдары жана эң жакшы каалоолорун тапшырды. Ал Америка Кошмо Штаттарынын Кыргызстан менен өз ара кызыкчылыкка ээ бардык багыттар боюнча активдүү кызматташууга даяр экенин билдирди.
Гор ошондой эле Бишкекке «B5+1» форумуна катышуу үчүн америкалык бизнесмендердин делегациясы келгенин белгилеп, бул эки өлкөнүн соода-экономикалык өз ара аракеттенүүсүн өнүктүрүү үчүн жакшы негиз түзөт деп эсептейт. Садыр Жапаров менен Серджио Гордун ортосундагы сүйлөшүүлөр АКШнын бизнес өкүлдөрүнүн катышуусунда улантылды.
