Ал бул адамдар өз өлкөсүнүн экономикасына маанилүү салым кошорун белгилеп, ошондуктан колдоого татыктуу экенин айтты. "Алардын мүмкүнчүлүктөрүн эске алып, 1-2 миң сом өлчөмүндө социалдык төлөмдөрдү жүргүзүүгө мүмкүнчүлүк берүү керек, ошондо алар стаж ала алышат", - деди Исираилов жана бул маселени иштеп чыгууну сунуштады.
Анын сунушуна жооп берип, эмгек, социалдык камсыздоо жана миграция министри Канат Сагынбаев мигранттарга өз мекенинде мамлекеттин жардамы менен бизнес ачууга мүмкүндүк берген пилоттук долбоордун аяктаганын билдирди.
Ал 2023-жылы башталган программа оң натыйжаларды көрсөткөнүн кошумчалап, азыр Экономика министрлиги менен биргеликте жаңы программа иштелип жатканын, ал жакын арада ишке киргизиле турганын айтты.
